FRANCOIS DE VILLE

Sino nga ba si Francois de Ville?

---------------------------------------------------------

Si Francois de Ville ay isang katauhan na nabuo mula sa imahinasyon ng isang taong namulat na sa mga kuwentong kababalaghan kahit nung siya'y musmos pa lamang. Siya rin ang pangunahing tauhan sa mga kuwentong nabuo mula sa kanyang buhay. Mga kuwentong kahindik-hindik na hindi pa nararanasan ng ibang tao. Siya ang nagpasimula ng lahat ng kanyang kababalaghan.

Si Francois de Ville ay namulat na walang ama't ina noong siya'y musmos pa lamang. Hindi niya ginusto ang mga pangyayari sa kanyang buhay, nguni tinitiis niya ang mga ito alang-alang sa mga taong nahilig nang basahin ang kanyang buhay. Siya'y nakakapagbigay ng kasiyahan sa ibang tao, nguni sa kabila nito ang naguguluhan na niyang isip.

Noong una'y hindi pa siya pumayag na gawing isang sining sa pamamagitan ng kuwento ang kanyang buhay. "Wala rin namang maniniwala sa akin...at hindi ako ang kuwentong tipong basahin ng mga tao. Isa lamang akong paniniwala na nakakulong sa imahismo ng ating kultura, ang buong kultura ng Maharlika," ang kanyang winika nang minsang kausapin siya ng taong nakapagsulat na sa ngayon ng dal'wang kuwentong buhay niya.

Nang lumaon, pumayag na rin si Franc (maikling katawagan kay Francois de Ville) sa alok ng manunulat. Pero sabi pa rin nito na hindi sa lahat ng oras ay puwede nitong idikta ang mga detalye sa isang ispesipikong parte ng kanyang buhay.

"Mahirap mong itala ang bawat detalye ng buhay ko...malamang ay aabutin ka pa ng ilang buwan sa pagbuo mo ng isang kuwentong hango sa isang bahagi ng buhay ko. Hindi sa lahat ng oras ay sariwa ang utak ko upang ikuwento ang mga nangyari sa buhay ko."